专家拆局:热身赛乘机磨利刀 英格兰变阵打爆奥地利
发表于: 06-02 | 阅读:923

热身赛乘机磨利刀 英格兰变阵打爆奥地利

今晚热身赛好戏码,英格兰喺米杜士堡主场河畔球队斗奥地利。「三狮兵团」近年踢大赛前嘅热身赛都态度认真,近两届5场都赢晒,斗志唔使怀疑;奥地利实力稍逊,而且射手阿拿奥杜域肌肉拉伤缺阵,影响攻力,相信英军可以凭主场之利赢波,主胜捧得过。

喺欧国盃列入D组嘅英格兰阵中星将如云,虽然效力曼联嘅小将格连活特因伤已经宣布退出大军,并且留喺球会养伤,暂未公布有关伤势,但其他球员嘅一举一动都係全球焦点,不论「撑英」抑或「反英」球迷都会睇到实,即使英军球员实力未必係世界首屈一指,但有时靠旺盛嘅斗志,又真係踢高一班波。

格连活特因伤退队

英军球员嘅斗志亦可以从热身赛睇得出,翻查纪录,英格兰出席2018年世界盃前嘅两场热身赛,以及出战2016年欧国盃前进行嘅3场热身赛,虽然分别由修夫基同鹤臣两位唔同教头领军,但结果5场热身赛全部赢晒。「三狮兵团」传统上最后1场热身赛会用尽二线兵,尾二嗰场就会强阵出击,预料今次备战都係照办煮碗。不过,今场英军除咗曼联中坚哈利马古尼受伤将会避战,其馀效力曼城、车路士及曼联等有份踢欧联同欧霸决赛嘅球员,修夫基唔会畀佢哋正选上阵,但脚风顺到爆嘅哈利卡尼就肯定会挂帅。

奥地利冇埋阿拿奥杜域

至于欧国盃身处C组嘅奥地利,目前世界排名23,过往只曾两次杀入欧国盃决赛周,其中一次仲係以合办国身份参战,两次分组赛成绩都係1和2负出局。佢哋今次决赛周目标非常清晰,只係争取小组历史性首场胜仗,以实力计明显比英军差一截,加上效力上海上港嘅前锋阿拿奥杜域肌肉拉伤缺阵,今场难畀到「三狮兵团」压力,英格兰第一场热身赛应该可以顺利赢波。

特别声明:所有资讯或言论仅代表发布者个人意见,90看球网仅提供发布平台,信息内容请自行判断。

关于我们 广告联系 网站地图 102体育

声明:90看球网(www.kqw90.com)资讯仅供体育爱好者浏览、参考之用。任何人不得用于非法用途,否则责任自负。本网所有资讯、视频、图片、直播内容均来源于互联网,登载广告均为广告客户的个人意见及表达方式,和本网无任何关系。90看球网不承担由于内容的合法性所引起的一切争议和法律责任。