阿仙奴半场和修货
排名相若唔敢冒进
今晚英足盃第4圈头场上演重头戏，修咸顿主场斗阿仙奴。两军于联赛榜分排第9、第10位，实力不相伯仲，而且双方近期防守表现都比进攻优胜，特别上半场都极少失波，既然今场係一场过淘汰制，大家唔想失先机，相信初段都会踢得更谨慎，首选半场和。
修咸顿第3圈赛事因对手梳士贝利爆发疫情，延至啱啱周中先进行补赛，结果修咸顿以部分副选应战轻胜2比0晋级，更利好消息係早前确诊嘅箭头丹尼艾格斯已康复并复操，今仗可以候命。
修咸顿主场够硬淨
连同上场比赛，修咸顿近9场主场攞到6胜1和2负，2场输波对手分别係曼城同曼联，其馀7战都能够保持清白身，如果单计上半场，修咸顿喺呢9场入面亦只有对曼城时失咗1球，其他8场都冇失波，比赛初段够晒硬淨。
阿仙奴近况亦唔曳，自从去年尾喺英联盃8强被曼城大炒4比1出局， 联赛连盃赛已保持6战不败，而且连续6场上半场都冇失波，有5次可以守到尾，后防演出比季初大有进步。不过睇番阿迪达上圈对纽卡素排阵，近期表现抢镜嘅中前场新星伊美路维及布卡约沙卡都係打后备，结果去到下半场先换入佢哋加强进攻，最终踢至加时先淘汰对手，相信阿迪达今场会照办煮碗，留待换边后先发力。阿仙奴今届4场本土盃赛上半场都同对手不分胜负，今场最好拣半场和。
